Bakı, 27 fevral, AZƏRTAC

Martın 5-də Azərbaycanın ağır, yeyinti və yüngül sənaye sahələrində fəaliyyət göstərən sahibkarları Rusiya Federasiyasının Belqorod şəhərinə səfər edəcəklər.
AZƏRTAC “Bel.ru”ya istinadla xəbər verir ki, məqsəd məhsul və avadanlıqların birbaşa tədarükü üçün müqavilələr bağlamaqdır. Səfər çərçivəsində, həmçinin yerli sahibkarlarla görüşlərin keçirilməsi, istehsalat müəssisələri ilə tanışlıq da nəzərdə tutulur.
İştirakçılar Belqorodda neft və qaz avadanlıqları istehsalçıları, sistem həlləri və avtomatlaşdırılmış idarəetmə sistemlərinin inteqratorları və inkişafetdiriciləri, yüngül sənayenin hazır məhsulları, qida avadanlıqları və məhsulları istehsalçıları ilə tanış olmaqda maraqlıdırlar.