Eden Hazard üç ay yaşıl meydanlardan kənarda qalacaq
Bakı, 25 fevral, AZƏRTAC
Futbol üzrə Belçika milli komandasının baş məşqçisi Roberto Martinez millinin və “Real Madrid” klubunun yarımmüdafiəçisi Eden Hazardın zədəsi barədə danışıb.
AZƏRTAC xəbər verir ki, 46 yaşlı ispaniyalı mütəxəssis İspaniya mətbuatına açıqlamasında E.Hazardın azı 3 ay meydana çıxa bilməyəcəyini deyib: “Bizim “Real”ın tibbi personalı ilə yaxşı münasibətimiz var. Edenin durumundan narahatıq. Təəssüf ki, bu zədə “Mançester Siti” ilə oyun öncəsi oldu. Çünki bu zədə onu azı 3 ay futbolsuz qoyacaq. E.Hazard kimi futbolçu həmişə meydanda olmalıdır”.
Xatırladaq ki, La Liqanın XXV turunda “Levante” ilə matçda (0:1) zədələnən belçikalı futbolçunun ayaq biləyində sınıq aşkarlanıb. Klubun rəsmi saytı onun azı iki meydana çıxa bilməyəcəyini açıqlayıb.
Bakıda bədii gimnastika üzrə Dünya Kubokunun ikinci gününə start verilib
“Rik və Morti” animasiya serialının rəssamı “GameSummit 2024” üçün Bakıya gəlir
Aslan Kərimov: Rinat Abdaşov hava limanından otelə qədər başı şampunlu getdi
Premyer Liqa: “Qəbələ” “Qarabağ”ın, “Neftçi” “Zirə”nin qonağı olacaq