Azərbaycan Dillər Universitetinin tələbələri “Audiokitab” layihəsi barədə məlumatlandırılıb
Bakı, 24 fevral, AZƏRTAC
Azərbaycan Dillər Universitetinin (ADU) Təhsil-2 fakültəsi nəzdində Xarici dillər kafedrasının təşkilatçılığı ilə tələbələrin “Audiokitab” layihəsinin əməkdaşları ilə görüşü keçirilib. Tədbirdə layihə rəhbəri, Əməkdar mədəniyyət işçisi Həsən Həsənov, aktyor Mahir Mirişli, bədii qiraətçi Əhliman Ərşadlı, sənətşünaslıq üzrə fəlsəfə doktoru Zülfiyyə Eldarqızı və fakültənin nəzdində fəaliyyət göstərən kafedra müdirləri və əməkdaşlar iştirak ediblər.
ADU-dan AZƏRTAC-a bildirilib ki, tədbirdə tələbələrə “Audiokitab” layihəsinin yaranma tarixi, inkişaf prosesi, sosial şəbəkələrdə istifadə qaydaları, o cümlədən layihənin tərkibinə daxil olan kitablar haqqında məlumat verilib. Layihə əməkdaşlarının söylədikləri şeirlər, bədii qiraət nümunələri tələbələrin marağına səbəb olub.
Sonda çıxış edən Xarici dillər kafedrasının müdiri Aidə Sobor tələbələri audiokitablardan yararlanmağa çağırıb. O, tələbələrin dünyagörüşünün artırılmasında bu kitabların böyük rolu olduğunu vurğulayıb.
Əqli Mülkiyyət Agentliyində ixtiraçılıq və patent analitikası mövzusunda təlim keçirilib
AzTU əməkdaşları beynəlxalq konfransda çıxış ediblər
ADPU-da “Heydər Əliyev dərsləri” davam edir
Kənd Təsərrüfatı Nazirliyi 2024-cü il üçün doktorantura və dissertanturaya qəbul elan edir
ADPU ilə Rusiya İnformasiya və Mədəniyyət Mərkəzi əməkdaşlıq məsələlərini müzakirə edib