“Hüquq və gənc hüquqşünaslar” layihəsinin icrası başa çatdırılıb
Bakı, 24 fevral, AZƏRTAC
Dövlət Miqrasiya Xidmətinin (DMX) əməkdaşı Füzuli Cəbrayıllı Gənclər Fondunun 13-cü qrant müsabiqəsinin qalibi olan Miqrasiya könüllüsü Əli Mirzəyevin “Hüquq və gənc hüquqşünaslar” layihəsinin dördüncü günündə “Miqrasiya hüququ” mövzusunda iştirakçılara təlim keçib.
DMX-dən AZƏRTAC-a bildirilib ki, layihə çərçivəsində dörd gün ərzində hüququn müxtəlif sahələri üzrə təlim keçən iştirakçılar sertifikatla təltif olunublar.
Təlimlərdə məqsəd gələcək karyerasını hüquq sahəsində qurmaq istəyən gənclər üçün ölkənin tanınmış təlimçilərinin iştirakı ilə bu sahə üzrə müxtəlif mövzuları əhatə edən təlim kursları təşkil etməklə onların müvafiq biliklərə yiyələnməsinə şərait yaratmaqdır. Fevralın 13-də start götürən təlimlərdə 30 gənc iştirak edib.
Layihə Azərbaycan Respublikası Gənclər Fondunun maliyyə dəstəyi, Dövlət Miqrasiya Xidməti, “Miqrasiya Könüllüsü” İctimai Birliyinin təşkilatçılığı ilə reallaşıb.
Laçında özünüməşğulluq proqramının icrasına başlanılıb
“Ay Laçın” – doğma və kövrək duyğularla VİDEO
Avqust ayının müavinət, təqaüd və ünvanlı sosial yardımları tam ödənilib
Qida sahəsində fəaliyyət göstərən 7 müəssisədə nöqsanlar aşkarlanıb