Beynəlxalq konfrans: Milli təhlükəsizliyin iqtisadi və sosial-mədəni aspektləri
Bakı, 24 fevral, AZƏRTAC
Azərbaycan Əmək və Sosial Münasibətlər Akademiyasında mayın 5-də ümummilli lider Heydər Əliyevin anadan olmasının 97-ci ildönümünə həsr edilən “Milli təhlükəsizliyin iqtisadi və sosial-mədəni aspektləri” mövzusunda beynəlxalq elmi konfrans keçiriləcək.
Akademiyadan AZƏRTAC-a bildirilib ki, konfransın keçirilməsində əsas məqsəd milli dəyər, mənafe və məqsədləri, insan, cəmiyyət və dövlətin qarşılıqlı tərəqqisini təmin edən siyasi, iqtisadi, sosial, mədəni və digər tələbatların məcmusundan ibarət milli maraqları qorumaqdır. Eyni zamanda, milli ideologiyanın təşviqində elmin, iqtisadiyyatın, sosial institutların, həmkarlar ittifaqlarının rolunun artırılması istiqamətində təkliflər irəli sürmək, kreativ yanaşmaları dəstəkləmək, yeni çağırışları müzakirə etmək, əldə olunan bilikləri təbliğ etməkdir.
Konfransın elmi istiqaməti iqtisadi, sosial, təbiət və sosiologiya elmlərini əhatə edir. Təqdim olunacaq tədqiqatlar elektron formada göndərilməlidir, iştirak etmək istəyənlər aprelin 10-dək məqalələrini göndərə bilərlər.
AzMİU-da maarifləndirici seminar – “Plastik tullantıların təbiətə zərəri”
Kainatın bir çox sirrini açmağa imkan yaradan texnoloji yenilik
Dördüncü “Yüksəliş” müsabiqəsinə 14 min nəfərdən çox iştirakçı qeydiyyatdan keçib
“Heydər Əliyev və Azərbaycan mərasim mədəniyyəti” kitabı çapdan çıxıb
Məktəbəhazırlıq qruplarında, 4-cü və 6-cı siniflərdə şagirdlərin yerdəyişmə prosesi dayandırılacaq