Bakı, 24 fevral, AZƏRTAC
F.Köçərli adına Respublika Uşaq Kitabxanası və Nizami rayonu E.Cəlilov adına 272 nömrəli məktəbin birgə təşkilatçılığı ilə Beynəlxalq Ana Dili Gününə həsr olunmuş “Ana vətənimin anası dilim” adlı tədbir keçirilib.
AZƏRTAC xəbər verir ki, tədbirdə məktəblilərin ifasında musiqili ədəbi-bədii kompozisiya təqdim olunub. Məktəblilər ana dilimizin gözəlliyini tərənnüm edən şeirlər, mahnılar ifa ediblər. Milli geyimdə olan şagirdlər şifahi xalq ədəbiyyatı nümunələrindən olan bayatılar, atalar sözləri və laylalar söyləyiblər.
Sonra “Ana vətənimin anası dilim” adlı kitab sərgisinə baxış keçirilib.