Rayan Giqqz Tofiq Bəhramov adına Respublika Stadionunda və “Azərsun Arena”da olub
Bakı, 24 fevral, AZƏRTAC
“Avro-2020”nin qrup mərhələsinin oyunlarını Bakıda keçirəcək Uels millisinin nümayəndə heyəti Bakıdadır.
AZƏRTAC xəbər verir ki, Uels yığmasının baş məşqçisi Rayan Giqqz fevralın 24-də Tofiq Bəhramov adına Respublika Stadionunda, “Qarabağ” klubunun bazasında və “Azərsun Arena”da olub. “Qarabağ”ın baş meneceri Asif Əsgərov “Mançester Yunayted” klubunun formasını geyinmiş məşhur futbolçuya “Qarabağ”ın formasını hədiyyə edib.
Sonra R.Giqqz “Qarabağ”ın baş məşqçisi Qurban Qurbanovla görüşüb və fikir mübadiləsi aparıb.
Xatırladaq ki, futbol üzrə Avropa çempionatının 60 illik yubileyi münasibətilə qitə birinciliyinin oyunları 12 şəhərdə - Sankt-Peterburq, London, Münxen, Bakı, Roma, Buxarest, Dublin, Kopenhagen, Bilbao, Qlazqo, Budapeşt və Amsterdamda keçiriləcək. A qrupu çərçivəsində Uels-İsveçrə (13 iyun), Türkiyə-Uels (17 iyun), İsveçrə-Türkiyə (21 iyun) qarşılaşmaları, eləcə də dörddəbir final mərhələsinin bir görüşü (4 iyul) Bakı Olimpiya Stadionunda oynanılacaq.
Xabi Alonso “Bayer”də qalacağını açıqlayıb
“Everton”un sabiq futbolçusu ömürlük həbs oluna bilər
Bakıdakı təsnifat turnirində 33 ölkənin güləşçiləri mübarizə aparacaqlar
Argentina millisinin futbolçusunu hədələyən cinayətkarlar saxlanılıb
Azərbaycan Premyer Liqasında daha 2 turun cədvəli məlum olub