Bakı, 24 fevral, AZƏRTAC
AMEA Milli Azərbaycan Tarixi Muzeyinin Təsviri materiallar fondunda XV əsrin sufi mütəfəkkiri Seyid Yəhya Bakuviyə məxsus xəlvətilik təriqəti silsilənaməsini əks etdirən rəsm əsəri qorunur.
Muzeydən AZƏRTAC-a bildiriblər ki, silsilənamə IV xəlifə Əli vasitəsilə Məhəmməd peyğəmbərə bağlanır. Azərbaycan təsəvvüf tarixinin görkəmli nümayəndələrindən biri olan Seyid Yəhya Bakuvi “Şəfa əl-əsrar” və s. əsərlərin müəllifidir. “Şəfa əl-əsrar” əsəri 2010-cu ildə muzeyin əməkdaşı, tarix üzrə fəlsəfə doktoru Əli Fərhadovun iştirakı ilə müasir Azərbaycan dilinə tərcümə olunub çap edilib.