Gəncədə keçirilən iməcilikdə mindən çox ağac əkilib
Gəncə, 24 fevral, Rauf Hacıyev, AZƏRTAC
Gəncə şəhər Heydər Əliyev və Nizami prospektlərində, habelə Hava Limanına gedən yolun kənarlarında iməcilik aksiyası keçirilib.
AZƏRTAC-ın bölgə müxbiri xəbər verir ki, iməcilikdə Gəncə şəhərində fəaliyyət göstərən idarə, müəssisə, təşkilat işçiləri, o cümlədən Mənzil Kommunal Təsərrüfat İstehsalat Birliyinin kollektivi yaxından iştirak ediblər.
Aksiya zamanı mindən çox ağac, 5 mindən çox gül kolu əkilib, 15 min kvadratmetr əraziyə isə qazon səpilib.
Bununla yanaşı, ərazilər alaq otlarından təmizlənib, ot örtüyü biçilərək sahmana salınıb. Daş və digər tullantılar, küləyin gətirdiyi kağız parçaları toplanıb. Bundan başqa, əkilən yeni yaşıllıqlara aqrotexniki qulluq göstərilib. Ağacların dibləri bellənib, suvarılıb, qurumuş budaqlar budanıb.
Qeyd edək ki, iməcilik aksiyası 2 gün davam edib. Bu cür iməciliklərin mütəmadi olaraq keçirilməsi nəzərdə tutulur.
Otuza yaxın şəhid övladı Ağbulaq İstirahət Mərkəzində istirahət edib
Qızılhacılı kəndinin sakinləri doğma yurdlarının qaytarılmasının sevincini yaşayırlar
Şəkidə “Şahin” hərbi-idman oyununun zona birinciliyinin qalibi müəyyənləşib
Naxçıvanda 1969-1987-ci illərdə 21 iri sənaye müəssisəsi istifadəyə verilib
Baş Prokurorluq tərəfindən Astara rayonunda təmizlik aksiyası təşkil olunub