×
A
A
A
Sazlamalar

2020-ci il fevralın 9-da keçirilmiş Azərbaycan Respublikasının Milli Məclisinə seçkilərdə Mərkəzi Seçki Komissiyasına daxil olmuş 20 fevral 2020-ci il tarixli 322 saylı müraciətə baxılması barədə Azərbaycan Respublikası Mərkəzi Seçki Komissiyasının QƏRARI

2020-ci il fevralın 9-da keçirilmiş Azərbaycan Respublikasının Milli Məclisinə (Milli Məclis) seçkilərdə 34 saylı Xətai ikinci seçki dairəsi üzrə qeydə alınmış namizəd Baxışov Qəzənfər İsamməd oğlu 2020-ci il fevralın 20-də Azərbaycan Respublikasının Mərkəzi Seçki Komissiyasına (Mərkəzi Seçki Komissiyası) adıçəkilən seçki dairəsi dairə seçki komissiyasının 17 fevral 2020-ci il tarixli 38/1 saylı qərarını mübahisələndirmiş, həmin qərarın və səsvermənin nəticələri haqqında dairə seçki komissiyasının protokolunun ləğvini xahiş etmişdir.

Müraciət Azərbaycan Respublikası Seçki Məcəlləsinin (Seçki Məcəlləsi) 112-ci, 112-1-ci maddələrinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”ın tələblərinə uyğun olaraq Mərkəzi Seçki Komissiyasının nəzdində ekspert qrupunun üzvü tərəfindən icraata qəbul edilmiş, araşdırılaraq rəy verilmiş və komissiyanın iclasında baxılmışdır.
Q.İ.Baxışov müraciətində göstərmişdir ki, 2020-ci il fevralın 9-da Milli Məclisə keçirilmiş seçkilərdə səsvermə günü 34 saylı Xətai ikinci seçki dairəsinin bütün seçki məntəqələrində pozuntulara yol verilmişdir. Qeyd edilən pozuntularla bağlı Mərkəzi Seçki Komissiyasına müraciət etmiş, ancaq “Vətəndaşların müraciətləri haqqında” Azərbaycan Respublikasının Qanununa zidd olaraq Mərkəzi Seçki Komissiyası Seçki Məcəlləsinin 112-1.12-ci maddəsinə əsaslanaraq həmin müraciəti araşdırılması üçün dairə seçki komissiyasına göndərmişdir. Dairə seçki komissiyası isə müraciətin təmin edilməməsi barədə 17 fevral 2020-ci il tarixli 38/1 saylı qərar qəbul edərək ona təqdim etmişdir.
Araşdırma ilə əlaqədar müraciət etmiş namizədlə əlaqə saxlanılmış, araşdırma və iclasda iştirak etmək, həmçinin digər hüquqlarının olması izah edilmişdir. O, araşdırmada və iclasda iştirak etməkdən imtina etmişdir.
Mərkəzi Seçki Komissiyasına göndərdiyi şikayətin əsassız olaraq araşdırılması üçün dairə seçki komissiyasına göndərilməsi barədə namizədin göstərdikləri ilə bağlı qeyd edilməlidir ki, seçki prosesində bütün seçki hərəkətləri, o cümlədən seçki qanunvericiliyinin tələblərinin pozulmasına dair müraciətlər Seçki Məcəlləsi ilə tənzimlənir.
Seçki Məcəlləsinin 112.3-cü maddəsinə əsasən şikayət ilkin olaraq yuxarı seçki komissiyası tərəfindən təmin edilməzsə, dairə seçki komissiyasının qərarından və ya hərəkətindən (hərəkətsizliyindən) Mərkəzi Seçki Komissiyasına, Mərkəzi Seçki Komissiyasının qərarından və ya hərəkətindən (hərəkətsizliyindən) isə bu Məcəllənin 112.1-ci maddəsində göstərilən şəxslər apellyasiya instansiyası məhkəməsinə şikayət edə bilərlər.
Göründüyü kimi Seçki Məcəlləsinə əsasən səsvermə günü seçki məntəqələrində iddia edilən pozuntularla bağlı seçki subyektləri tərəfindən verilən şikayətlərin ilkin araşdırma səlahiyyəti dairə seçki komissiyasına aid olduğundan namizəd Q.İ.Baxışovun “Vətəndaşların müraciətləri haqqında” Azərbaycan Respublikasının Qanununa istinad etməsi əsassızdır.
Dairə seçki komissiyasından mübahisələndirilən qərarın çıxarılması üçün əsas olmuş sənədlər alınaraq araşdırılmışdır. Dairə seçki komissiyası qərarını onunla əsaslandırmışdır ki, namizəd Q.İ.Baxışovun şikayəti ümumi xarakterli olmuş, iddia etdiyi pozuntuların, yəni səsvermə başlamazdan əvvəl bülletenlərin sayılmadığı, bir seçiciyə birdən artıq səsvermə bülleteninin verilməsi, yekun protokolunun müşahidəçilərə verilməməsi və üçüncü nüsxəsinin məlumat lövhəsində asılmadığının hansı məntəqədə müşahidə edildiyi göstərilməmişdir. Buna baxmayaraq o, seçki dairəsi üzrə səsvermənin nəticələrinin ləğv olunmasını xahiş etmişdir. Eyni zamanda qərarda göstərilir ki, namizəd Q.İ.Baxışov səsvermə günü seçki məntəqələrində müşahidə aparmaq üçün müşahidəçi təyin etməmiş, iddia etdiyi pozuntular barədə Mərkəzi Seçki Komissiyasının qaynar xəttinə, dairə seçki komissiyasına və məntəqə seçki komissiyalarına yazılı və şifahi müraciət etməmişdir.
Araşdırma prosesində səsvermə günü dairə seçki komissiyasının seçki məntəqələrində müşahidə aparmış müşahidəçilərdən və digər seçki subyektlərindən alınmış izahat və aktlarda namizəd Q.İ.Baxışovun maraqlarını təmsil edən müşahidəçilərin müşahidə aparmaması və iddia edilən ümumi xarakterli pozuntuların baş verməsi halı təsdiqini tapmamışdır.
Araşdırmaya məcmu halda qiymət verilərək qeyd edilməlidir ki, dairə seçki komissiyası namizəd Q.İ.Baxışovun müraciətini obyektiv, hərtərəfli və qərəzsiz araşdıraraq təmin edilməməsi barədə düzgün nəticəyə gəlmişdir.
Beləliklə, araşdırmanın nəticəsi olaraq müraciətin təmin edilməsi üçün hüquqi əsaslar mövcud olmadığından, müraciət təmin edilməməli, dairə seçki komissiyasının qərarı dəyişdirilmədən qüvvədə saxlanılmalıdır.
Yuxarıda göstərilənləri əsas götürərək, Mərkəzi Seçki Komissiyası Seçki Məcəlləsinin 19.4-cü, 28.2-ci, 112-ci, 112-1-ci maddələrinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”ın 1-ci, 2-ci, 4-cü, 6-cı və 7-ci hissələrinə əsasən qərara alır:

1. 2020-ci il fevralın 9-da keçirilmiş Milli Məclisə seçkilərdə 34 saylı Xətai ikinci seçki dairəsi üzrə qeydə alınmış namizəd Baxışov Qəzənfər İsamməd oğlunun Mərkəzi Seçki Komissiyasına daxil olmuş 20 fevral 2020-ci il tarixli 322 saylı müraciəti əsassız olduğundan təmin edilməsin, həmin dairə seçki komissiyasının 17 fevral 2020-ci il tarixli 38/1 saylı qərarı dəyişdirilmədən saxlanılsın.
2. Bu Qərar dərc edildiyi gündən qüvvəyə minir.


Sədr     Məzahir Pənahov


Katib     Arifə Muxtarova

Katib     Mikayıl Rəhimov

“Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitələrinin texniki göstəriciləri, daxili və xarici tərtibatına dair tələblər”in təsdiq edilməsi haqqında
Azərbaycan Respublikası Nazirlər Kabinetinin QƏRARI

“Ödəniş xidmətləri və ödəniş sistemləri haqqında” Azərbaycan Respublikasının 2023-cü il 14 iyul tarixli 987-VIQ nömrəli Qanununun icrası ilə əlaqədar Azərbaycan Respublikasının bəzi qanunlarında dəyişiklik edilməsi barədə” Azərbaycan Respublikasının 2023-cü il 5 dekabr tarixli 1048-VIQD nömrəli Qanununun icrasını təmin etmək məqsədilə Azərbaycan Respublikası Nazirlər Kabinetinin bəzi qərarlarında dəyişiklik edilməsi haqqında
Azərbaycan Respublikası Nazirlər Kabinetinin QƏRARI

Azərbaycan Respublikası Nazirlər Kabinetinin 2020-ci il 10 yanvar tarixli 5 nömrəli Qərarı ilə təsdiq edilmiş “İcbari tibbi sığorta üzrə Xidmətlər Zərfi”ndə dəyişiklik edilməsi haqqında
Azərbaycan Respublikası Nazirlər Kabinetinin QƏRARI

“Azərbaycan Respublikası Prezidentinin “Azərbaycan Respublikasının Vergi Məcəlləsində dəyişiklik edilməsi haqqında” Azərbaycan Respublikasının 2018-ci il 30 noyabr tarixli 1356-VQD nömrəli Qanununun tətbiqi və “Azərbaycan Respublikası Vergi Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında” Azərbaycan Respublikası Qanununun və bu Qanunla təsdiq edilmiş Azərbaycan Respublikası Vergi Məcəlləsinin tətbiq edilməsi barədə” Azərbaycan Respublikası Prezidentinin 2000-ci il 30 avqust tarixli 393 nömrəli Fərmanında dəyişiklik edilməsi haqqında” 2018-ci il 20 dekabr tarixli 414 nömrəli, “Əmtəə nişanları və coğrafi göstəricilər haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2019-cu il 19 fevral tarixli 1509-VQD nömrəli Qanununun tətbiqi haqqında” 2019-cu il 5 aprel tarixli 608 nömrəli, “Patent haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2019-cu il 19 fevral tarixli 1510-VQD nömrəli Qanununun tətbiqi haqqında” 2019-cu il 5 aprel tarixli 609 nömrəli, “Standartlaşdırma haqqında” Azərbaycan Respublikasının 2019-cu il 17 may tarixli 1587-VQ nömrəli Qanununun tətbiqi barədə” 2019-cu il 12 iyul tarixli 780 nömrəli və “Texniki tənzimləmə haqqında” Azərbaycan Respublikasının 2019-cu il 30 sentyabr tarixli 1669-VQ nömrəli Qanununun tətbiqi barədə” 2019-cu il 26 noyabr tarixli 863 nömrəli fərmanlarında dəyişiklik edilməsi haqqında” Azərbaycan Respublikası Prezidentinin 2023-cü il 16 dekabr tarixli 2408 nömrəli Fərmanının icrası ilə əlaqədar Azərbaycan Respublikası Nazirlər Kabinetinin bəzi qərarlarında dəyişiklik edilməsi barədə
Azərbaycan Respublikası Nazirlər Kabinetinin QƏRARI

“Azərbaycan Respublikası Prezidentinin “Vətəndaşların müraciətləri haqqında” Azərbaycan Respublikasının 2015-ci il 30 sentyabr tarixli 1308-IVQ nömrəli Qanununun tətbiqi barədə” 2015-ci il 12 noyabr tarixli 672 nömrəli, “Aqrar tədarük və təchizat” Açıq Səhmdar Cəmiyyətinin yaradılması haqqında” 2018-ci il 14 dekabr tarixli 400 nömrəli, “Azərbaycan Respublikası Dövlət Turizm Agentliyinin Qoruqları İdarəetmə Mərkəzinin yaradılması haqqında” 2018-ci il 20 dekabr tarixli 417 nömrəli, “Azərbaycan Respublikasında bir sıra dövlət orqanlarının strukturunun optimallaşdırılması və idarə edilməsinin təkmilləşdirilməsi ilə bağlı əlavə tədbirlər haqqında” 2019-cu il 17 yanvar tarixli 479 nömrəli, “Azərbaycan Respublikası İqtisadiyyat Nazirliyinin fəaliyyətinin təmin edilməsi və “Azərbaycan Respublikasının İqtisadiyyat Nazirliyi haqqında Əsasnamə”nin təsdiqi və “Azərbaycan Respublikası İqtisadiyyat Nazirliyinin fəaliyyətinin təmin edilməsi və “Azərbaycan Respublikası İqtisadi İnkişaf Nazirliyinin fəaliyyətinin təkmilləşdirilməsi ilə bağlı tədbirlər haqqında” Azərbaycan Respublikası Prezidentinin 2006-cı il 28 dekabr tarixli 504 nömrəli Fərmanında dəyişikliklər edilməsi barədə” Azərbaycan Respublikası Prezidentinin 2014-cü il 20 fevral tarixli 111 nömrəli Fərmanında dəyişiklik edilməsi haqqında” Azərbaycan Respublikası Prezidentinin 2019-cu il 30 dekabr tarixli 911 nömrəli Fərmanında dəyişiklik edilməsi barədə” 2020-ci il 12 may tarixli 1017 nömrəli və “Azərbaycan Respublikasının Əqli Mülkiyyət Agentliyinin tabeliyində “Texnologiyaların Kommersiyalaşdırılması və Transferi Mərkəzi”nin yaradılması haqqında” 2021-ci il 6 aprel tarixli 1308 nömrəli fərmanlarında dəyişiklik edilməsi barədə” Azərbaycan Respublikası Prezidentinin 2023-cü il 15 dekabr tarixli 2392 nömrəli Fərmanının icrası ilə əlaqədar Azərbaycan Respublikası Nazirlər Kabinetinin bəzi qərarlarında dəyişiklik edilməsi haqqında
Azərbaycan Respublikası Nazirlər Kabinetinin QƏRARI

Qərarlar 2020-02-24 06:30:00