Qazaxıstanlı tələbə və şagirdlər arasında ADA universitetinə maraq artır VİDEO
Nur-Sultan, 23 fevral, АZƏRTAC
ADA Universitetin Nur-Sultanda keçirilən “Begin edu fair” beynəlxalq sərgidə təmsil olunmasının əsas məqsədi Qazaxıstan tələbə və şagirdlərinə ölkəmiz və universitet haqda ətraflı məlumat verərək gələcəkdə çoxlu sayda tələbələrin cəlb edilməsidir.
ADA Universitetinin tələbə qəbulu şöbəsinin meneceri Aytəkin Hüseynova AZƏRTAC-a bildirib ki, keçən il keçirilən sərginin nəticəsi olaraq universitetə xaricdən tələbələr müraciət etməyə başlayıblar. Təklif olunan “Topçubaşov” adına beynəlxalq təqaüd proqramı çərçivəsində xarici tələbələr təhsil haqqından azad edilirlər.
Universitetin Qazaxıstanın iki ali məktəbi ilə sıx əməkdaşlıq etdiyini bildirən A.Hüseynova razılaşmalara əsasən tələbə mübadiləsi proqramının həyata keçirildiyini deyib.
Builki sərgidə ADA universitetinin pavilyonuna 100-dən çox müraciət qeydə alınıb. Müraciət edənlərin əksəriyyəti biznes və informasiya texnologiyaları ixtisaslarına maraq göstərirlər.
İlahə Əhmədova
AZƏRTAC-ın xüsusi müxbiri
Nur-Sultan
Vyetnamlı məktəbli dünyada SAT üzrə ən yaxşı nəticə göstərib
“Clarivate” şirkətinin nümayəndəsi seçilmiş jurnalların əməkdaşları üçün təlim keçəcək
Gəncə-Qazax bölgəsində yerləşən kolleclərdə monitorinqlər başlanıb
Bağçalara müdir vəzifəsinə işə qəbulun test imtahanı mərhələsinin qaydaları açıqlanıb
Akademik Əhəd Canəhmədov Niderlandda beynəlxalq tədbirdə elmi məruzə ilə çıxış edib