Günəş panelinin istiqamətini təyin edən yeni metod işlənilib
Bakı, 22 fevral, AZƏRTAC
AMEA-nın akademik Həsən Əliyev adına Coğrafiya İnstitutunda elmi seminar keçirilib.
İnstitutdan AZƏRTAC-a bildirilib ki, seminarda Xəzər dənizinin monitorinqi şöbəsinin müdiri, AMEA-nın müxbir üzvü, fizika-riyaziyyat elmləri doktoru Rauf Qardaşovun “Günəş panelinin günlük optimal istiqamətinin təyini” mövzusunda məruzəsi dinlənilib.
Alim işləyib hazırladığı Günəş panelinin gündəlik optimal istiqamətini təyin edən yeni metodun riyazi modelini təqdim edib və onun hazırda Azərbaycan Respublikasında geniş tətbiq olunan “illik optimal” seçimlə müqayisədə ildə 7 faiz daha çox enerji istehsal etməyə imkan verdiyini diqqətə çatdırıb.
Modelin tətbiqi dağlıq bölgələrdə şəxsi həyətyanı sahələrdə, xüsusilə, turizm təsisatlarında avtonom şəkildə təmiz enerji təchizatında faydalı ola bilər.
Xatırladaq ki, R.Qardaşovun təklif etdiyi bu model 2019-cu ilin martında impakt faktoru 11.239 olan Q1 kateqoriyalı “Renewable & Sustainable Energy Reviews” jurnalında dərc olunub.
Bakıda informasiya texnologiyaları və onların tətbiqi üzrə 2-ci beynəlxalq konfrans keçiriləcək
“Uğurlarımın arxasında duran ən böyük səbəb budur” – peşə məktəbi məzununun UĞUR HEKAYƏSİ
BDU-da Günəş aktivliyinin tədris göstəricilərinə təsiri məsələsi müzakirə olunub
AzMİU-da maarifləndirici seminar - Plastik tullantıların təbiətə zərəri
Kainatın bir çox sirrini açmağa imkan yaradan texnoloji yenilik