“Alimlər fermerlərin yanında” layihəsi çərçivəsində dəyirmi masa keçirilib
Bakı, 22 fevral, AZƏRTAC
Aqrar Elm və İnnovasiya Mərkəzi tərəfindən həyata keçirilən “Alimlər fermerlərin yanında” layihəsi çərçivəsində Bitki Mühafizə və Texniki Bitkilər İnstitutunda “Meyvə və üzüm bağlarında innovativ aqrotexniki tədbirlərin zərərli orqanizmlərə təsiri” mövzusunda dəyirmi masa təşkil olunub.
Tədbirdə institutun alimləri, Göygöl, Samux rayonlarında üzümçülük və meyvəçiliklə məşğul olan mütəxəssislər, fermerlər iştirak ediblər.
Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a bildirilib ki, mövzu ətrafında müxtəlif fikirlər səsləndirilib, fermerlər quraqlıq nəticəsində bir sıra problemlərlə üzləşdiklərini və çıxış yolu kimi süni göllərin və sututarların yaradılmasını təklif ediblər. Samux rayonunda fəaliyyət göstərən fermer Raiz Mehdiyev öz təsərrüfatında ötən il rastlaşdığı alma ağacının meyvələrinin metamorfoza uğradığını, formasını dəyişərək üzüm salxımı görkəmi aldığını bildirib. Mütəxəssislər bunun ontogenezin müəyyən kritik mərhələsində hər hansı bir faktorun təsiri ilə baş verdiyini bildiriblər.
Fitopatalogiya şöbəsinin elmi işçisi Gülcamal Ələsgərova zərərli orqanizmlərin populyasiya sıxlığını nəzarətdə saxlamaq üçün aqrotexniki qaydalara vaxtında və düzgün əməl etməklə ekoloji təmiz məhsul yetişdirilməsini tövsiyə edib.
Sonda bu mövzu ilə bağlı dəyirmi masanın birbaşa meyvə və üzüm bağlarında təşkil olunması qərara alınıb.
Dəvət olunmuş iştirakçılara “Meyvə bağlarında zərərli orqanizmlər və onlara qarşı mübarizə tədbirləri” adlı buklet paylanıb.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb