Aşqarlar Kimyası İnstitutunun elmlər doktoru hazırlığı üzrə dissertanturasına müsabiqə keçirilib
Bakı, 21 fevral, AZƏRTAC
Azərbaycan Milli Elmlər Akademiyasının akademik Əli Quliyev adına Aşqarlar Kimyası İnstitutunda (AKİ) Elmi şuranın iclası keçirilib.
AKİ-dən AZƏRTAC-a bildirilib ki, Elmi şurada institutun elmlər doktoru hazırlığı dissertanturasına qəbul üçün müsabiqə keçirilib. İnstitutun direktoru, akademik Vaqif Fərzəliyev bildirib ki, 2019/2020-ci ildə elmi müəssisənin elmlər doktoru hazırlığı üzrə dissertanturasına üzvi kimya və neft kimya ixtisası üzrə 2 namizəd sənəd verib.
Namizədlərin tədqiqat üçün təklif etdikləri doktorluq dissertasiyası mövzuları və elmi məsləhətçiləri ilə bağlı geniş müzakirələr aparılıb.
Dissertasiya mövzuları seçilərkən dünya elminin, eyni zamanda, ölkə iqtisadiyyatının prioritet inkişaf istiqamətləri üzrə tələblərə cavab verməsi nəzərə alınaraq fundamental, nəzəri-tətbiqi əhəmiyyəti əsas götürülüb.
Müsabiqə komissiyasının qərarına əsasən hər iki iddiaçı elmlər doktoru hazırlığı üzrə dissertanturaya qəbul edilib.
Transdisiplinarlıq strategiyaları ilə bağlı maarifləndirmə seminarı təşkil edilib
BDU-da “Dünya və Azərbaycan siyasətində Heydər Əliyev kursu” kitabının təqdimatı olub
Peşə təmayüllü siniflərə şagird qəbulu elan edilir
“Yay məktəbi”nə ərizə qəbulu başlayır
“Heydər Əliyev: multikulturalizm və tolerantlıq ideologiyası” adlı VII beynəlxalq konfrans keçirilib