Neftçala, 21 fevral, Mahir Babayev, AZƏRTAC

Neftçala şəhərindəki Heydər Əliyev Mərkəzində Beynəlxalq Ana Dili Gününə həsr olunmuş “Ana dilimizin inkişaf yolu və Heydər Əliyevin dil siyasəti” mövzusunda elmi-praktik konfrans keçirilib.
AZƏRTAC-ın bölgə müxbiri xəbər verir ki, tədbirdə çıxış edən Mərkəzin direktoru Könül Məmmədova ümummilli lider Heydər Əliyevin dilimizə olan böyük sevgisindən, dilin zaman-zaman hərtərəfli inkişaf etməsi və zənginləşib dolğunlaşmasında Ulu Öndərin rolundan danışıb.
Sonra Ulu Öndərin Azərbaycan dili ilə bağlı çıxışlarından ibarət videoçarx nümayiş etdirilib.
AMEA-nın monitorinq şöbəsinin müdiri, filologiya elmləri doktoru, professor Sevinc Əliyeva çıxışında Azərbaycan dilinin dövlət dili kimi inkişafında ümummilli lider Heydər Əliyevin böyük rolu olduğunu bildirib.
Tədbir digər çıxışlarla davam etdirilib.