İslam İnkişaf Bankının təqaüd proqramına qeydiyyat davam edir
Bakı, 20 fevral, AZƏRTAC
İslam İnkişaf Bankının 2020-2021-ci tədris ili üzrə təqaüd proqramına qeydiyyat davam edir.
Azərbaycan Milli Elmlər Akademiyasından AZƏRTAC-a bildirilib ki, proqram çərçivəsində ölkə universitetlərindən birində bakalavr, magistr, doktorantura təhsili almaq, doktorantura təhsilindən sonra elmi tədqiqat işi aparmaq, eyni zamanda, peşə təhsili almaq və təlimlər keçirmək üçün müraciət etmək olar.
İslam İnkişaf Bankı tərəfindən prioritet sayılan təhsil sahələri yerli universitetlərdə olmadığı halda bu banka üzv ölkələrin universitetlərində təqaüd proqramı ilə təhsil almaq mümkündür.
Təqaüd proqramına qoşulmaq istəyənlər fevralın 28-dək İslam İnkişaf Bankının rəsmi internet saytında qeydiyyatdan keçməlidirlər.
Azərbaycan ərazisində ekoloji streslərə davamlı bitki növlərinin artırılması – elmi seminar
Məktəblilər Geologiya və Geofizika İnstitutunda olublar
Dövlət qulluğunda fəaliyyətin davam etdirilməsi üzrə test imtahanına qeydiyyat davam edir