Sabirabadın iki yaşayış məntəqəsi qazlaşdırılıb
Bakı, 20 fevral, AZƏRTAC
Sabirabadın iki yaşayış məntəqəsinə təbii qaz verilib.
“Azəriqaz” İstehsalat Birliyindən AZƏRTAC-a bildirilib ki, Sabirabad rayonu, Betonzavod adlanan ərazidə yerləşən yaşayış binalarının qazlaşdırılması başa çatıb. Fevralın 20-də 62 abonent təbii qazla təmin edilib. Eləcə də rayonun Surra kəndinin genişlənən hissəsində də 10 abonentin qazla təminatı yekunlaşıb.
Yaşayış məntəqələrinin qazlaşdırılması vətəndaşların və müvafiq icra hakimiyyəti orqanlarının müraciəti əsasında “Azəriqaz” İstehsalat Birliyinin daxili imkanları hesabına həyata keçirilib.
Tanınmış şair, tərcüməçi Sabir Almazovun xatirəsi anılıb
Güclü külək Ağstafada bir sıra fəsadlar törədib VİDEO
İqtisadiyyat nazirinin müavini Naxçıvanda vətəndaşların müraciətini dinləyib
ADSEA sədri Zaqatalada vətəndaşlarla görüşüb
Aqrar Sığorta Fondunun İdarə Heyətinin sədri Göyçayda vətəndaşların müraciətlərini dinləyəcək