Qubalı məktəbli kubik-rubikin sürətli yığılması üzrə rekorda imza atmaq istəyir FOTO VİDEO
Quba, 20 fevral, Elxan Yusifli, AZƏRTAC
On iki yaşlı qubalı məktəbli Yusif Əliyev kubik-rubikin sürətli yığılması üzrə yeni rekorda imza atmaq istəyir.
AZƏRTAC-ın bölgə müxbiri xəbər verir ki, Quba şəhər Zaur Cəfərov adına 3 saylı tam orta məktəbin yeddinci sinfində oxuyan Yusif Əliyev artıq iki ilə yaxındır kubik-rubik yığılmasına həvəs göstərir.
Yusifdə bu hobbisinə maraq internetdə rekordlarla bağlı videoları izlədikdən sonra yaranıb və atasından müxtəlif formalı kubik-rubiklər almasını xahiş edib. Hazırda ona istənilən kubik-rubikin yığılması üçün saniyələr bəs edir. İlk dəfə 1 dəqiqə 30 saniyəyə yığdığı kubik-rubikə indi cəmi 15 saniyə vaxt sərf edir. Yusif Əliyev bu istedadını daha da inkişaf etdirib 5-6 saniyəlik nəticələr əldə etmək əzmindədir.
İstedadlı məktəbli gələcəkdə Azərbaycanda və ölkəmizdən kənarda kubik-rubikin sürətli yığılması üzrə yarışlarda iştirak etmək istəyir.
“Kubik-rubiki sürətli yığmaq üçün əvvəlcə çoxsaylı alqoritm və formulaları öyrənmək lazımdır. Hazırda dünya rekordları 3-4 saniyələrlə ölçülür. Mən də bu nəticəyə nail olmaq istəyirəm”, - deyə Yusif Əliyev söyləyib.
Dərslərini yaxşı oxuyan Yusif böyüyəndə həkim olmaq istəyir.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib