Gürcüstanın Milli Təhlükəsizlik Şurasına yeni rəhbər təyin olunub
Tbilisi, 19 fevral, AZƏRTAC
Gürcüstanın Milli Təhlükəsizlik Şurasına yəni rəhbər təyin olunub.
AZƏRTAC xəbər verir ki, bu barədə Baş Nazir Giorgi Qaxaria hökumətin bugünkü iclasında məlumat verib.
Baş Nazirin müvafiq əmri ilə Daxili İşlər naziri Vaxtanq Qomelauri Milli Təhlükəsizlik Şurasına rəhbərlik edəcək.
Onun sözlərinə görə, Təhlükəsizlik Şurası səmərəli fəaliyyət göstərməli olan vacib orqandır. Günün tələbindən asılı olaraq, Milli Təhlükəsizlik Şurasının rəhbəri vəzifəsinə Daxili İşlər naziri Vaxtanq Qomelauri təyin edilir.
G.Qaxaria Daxili İşlər nazirini bu vəzifəyə təyinatı münasibətilə təbrik edib.
Bundan əvvəl Milli Təhlükəsizlik Şurasının katibi Levan İzoria idi. O, ötən ay bu vəzifə ilə yanaşı, Kəşfiyyat Xidmətinin rəhbərliyindən də istefa verib.
Xətayi Əzizov
AZƏRTAC-ın xüsusi müxbiri
Tbilisi
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır