Tarix İnstitutunda 500-ə yaxın tədqiqat əsəri nəşr olunub
Bakı, 19 fevral, AZƏRTAC
Prezident İlham Əliyevin təşəbbüsü, çağırışları və tapşırıqları əsasında son illərdə Azərbaycan Milli Elmlər Akademiyasının Tarix İnstitutunda 500-ə yaxın tədqiqat əsəri nəşr olunub. İnstitutun arxivi Azərbaycanın ən zəngin fondlarından biridir. Elmi müəssisəyə Paris, London, Berlin, Dehli, Moskva, Sankt-Peterburq, İstanbul, Ankara və digər yerlərdən minlərlə arxiv sənədi gətirilib.
AZƏRTAC xəbər verir ki, bu fikirləri Tarix İnstitutunun direktoru, akademik Yaqub Mahmudov Azərbaycan Milli Kitabxanasının son illərdə nəşr olunan kitablarının Tarix İnstitutuna təqdimetmə mərasimində deyib.
O bildirib ki, institut Milli Kitabxana ilə sıx əməkdaşlıq edir.
“Hər il Tarix İnstitutunda çap olunan kitablar Milli Kitabxanaya təqdim edilir, kitabxana da onları dünya kitabxanalarına çatdırır. İnstitutda Qarabağın, İrəvanın, Naxçıvanın, habelə soyqırımlarının və itirilmiş torpaqların tarixi araşdırılaraq, tarixi həqiqəti əks etdirən əsərlər yazılıb. Elmi müəssisə əsərlərin xarici dillərdə nəşr olunması və dünya ölkələrində yayılmasını diqqət mərkəzində saxlayır”, - deyə akademik Yaqub Mahmudov qeyd edib.
ADA Universitetində keçirilən “Xəzər Hövzəsi Araşdırmaları” proqramı yekunlaşıb
BDU-da “Gələcəyin alimləri” adlı tələbələrin IX elmi konfransı keçirilib
Ümumi (9 illik) orta təhsil səviyyəsi üzrə keçirilən buraxılış imtahanının nəticələri açıqlanıb
Əqli Mülkiyyət Agentliyində ixtiraçılıq və patent analitikası mövzusunda təlim keçirilib