Lənkəran, 19 fevral, Bağır Əliyev, AZƏRTAC

Dini Qurumlarla İş üzrə Dövlət Komitəsinin (DQİDK) Lənkəran bölgəsi üzrə şöbəsi, Qafqaz Müsəlmanları İdarəsi (QMİ) və Lənkəran Şəhər İcra Hakimiyyətinin birgə təşkilatçılığı ilə Lənkəran rayonunun Şağlaser kəndində “Mənəvi dəyərlərimiz sərvətimizdir” mövzusunda maarifləndirmə tədbiri keçirilib.
Tədbirdə DQİDK-nin Lənkəran bölgəsi üzrə şöbəsinin müdiri Qağayı Məmmədov, şöbənin əməkdaşı Emin Həmidli, Lənkəran Şəhər İcra Hakimiyyətinin İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Asif İmanlı, QMİ-nin Lənkəran bölgəsi üzrə səlahiyyətli nümayəndəsi Qəni Axundzadə, Şağlaser kənd məscidi dini icmasının sədri, din xadimləri və kənd ictimaiyyətinin nümayəndələri iştirak ediblər.
AZƏRTAC-ın bölgə müxbiri xəbər verir ki, tədbirdə mövzu ilə bağlı çıxışlarda mənəvi dəyərlərimizin xalqımızın qiymətli sərvəti olduğu qeyd edilib və bu dəyərlərin qorunması və gələcək nəsillərə çatdırılmasında din xadimlərinin və dini icma üzvlərinin üzərinə də mühüm vəzifələrin düşdüyü diqqətə çatdırılıb.
Sonda tədbir iştirakçılarını maraqlandıran suallar cavablandırılıb.