Çinin epidemiya ilə mübarizəsinə dəstək məqsədilə videoçarx hazırlanıb VİDEO
Pekin, 18 fevral, AZƏRTAC
Çinin yeni tip koronavirus (COVİD-2019) epidemiyası ilə mübarizəsinə dəstək məqsədilə videoçarx hazırlanıb.
AZƏRTAC xəbər verir ki, videoda Azərbaycanın belə çətin günlərdə Çin xalqı ilə həmrəyliyi, Çinin epidemiya ilə mübarizəsinə dəstəyi ifadə olunub.
Çində təhsil alan və müvəqqəti yaşayan, vaxtilə Çinin ali təhsil ocaqlarından məzun olmuş azərbaycanlılar, uşaqlar videoda Çinə dəstəklərini və arzularını bildiriblər.
Ölkəmizin Çindəki səfiri Əkrəm Zeynallı bu müvəqqəti çətin günlərdə də Azərbaycan xalqının dost Çin xalqı ilə həmrəy olduğunu bir daha bəyan edib. O, Çin hökumətinin və xalqının koronavirus epidemiyasına qarşı mübarizədə tezliklə qalib gələcəyinə, ölkənin inkişafının, tərəqqisinin davam edəcəyinə ümidvar olduğunu deyib.
Videoda epidemiya ilə mübarizədə həkimlərin böyük fədakarlığına, epidemiyanın davam etdiyi günlərə təsadüf edən Çin Mərkəzi Televiziyasının (CCTV) Çin Yeni ili qala konsertində Azərbaycan rəqqaslarının çıxışlarına, ölkəmizdən epidemiya ilə mübarizə məqsədi ilə Çinə göndərilən humanitar yardımlara dair kadrlar da yer alıb.
Videoçarx “china.com.cn” xəbər portalında və bir neçə saytda yerləşdirilib, "Wechat" sosial şəbəkəsində geniş yayılıb.
Şahin Cəfərov
AZƏRTAC-ın xüsusi müxbiri
Pekin
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar