Bakı, 17 fevral, AZƏRTAC

Bakı Şəhər Mədəniyyət Baş İdarəsinin Şüvəlan qəsəbə Mədəniyyət evində “Notların ahəngi” adlı tədbir keçirilib.
İdarədən AZƏRTAC-a bildirilib ki, tədbirdə Mədəniyyət evində fəaliyyət göstərən “Şüvəlan” instrumental ansamblının üzvləri qarmonda Elçin Əlibəyli, sazda Rəsul Qayıbov, sintezatorda İslam Mirzəyev, nağarada İlham Manıyev, gitarada Turan Həsənovun bir-birindən maraqlı və könül oxşayan ifaları, qızlardan ibarət “Məşəl” rəqs kollektivinin çıxışı, İsmayıl Heydərzadənin ifası tamaşaçılara xoş təsir bağışlayıb.