Tokio, 15 fevral, AZƏRTAC

Solomon adalarına daxil olan San-Kristobal adası yaxınlığında 6 bal gücündə zəlzələ baş verib.
AZƏRTAC xəbər verir ki, bu barədə ABŞ Geoloji Xidməti məlumat yayıb.
Seysmoloqların bildirdiyinə görə, yeraltı təkanlar Kirkira yaşayış məntəqəsindən 70 kilometr qərbdə, ocağı 86,6 kilometr dərinlikdə yerləşib.
Dağıntılar və zərərçəkənlər barədə hələlik məlumat verilmir. Sunami xəbərdarlığı elan edilməyib.

Vüqar Ağayev
AZƏRTAC-ın xüsusi müxbiri
Tokio