UNESCO: 2005-ci il Konvensiyasının Hökumətlərarası Komitəsinin 14-cü sessiyasının vaxtı müəyyənləşib
Paris, 15 fevral, AZƏRTAC
Parisdə UNESCO-nun baş qərargahında qurumun mədəni özünüifadə müxtəlifliyinin qorunması və təşviqi haqqında Konvensiyasının Hökumətlərarası Komitəsinin 13-cü sessiyası başa çatıb.
AZƏRTAC xəbər verir ki, sessiyanın son günüdə II Vətəndaş Cəmiyyəti Forumunun nəticələri təqdim olunub. Eyni zamanda, Komitənin gələcək fəaliyyətləri, 2020-2021-ci illər üçün iş planının layihəsi, mümkün mənbələr, könüllülük məsələləri müzakirə edilib.
Sessiyada 2022-2029-cu illər üçün UNESCO-nun orta müddətli strategiyasının gələcək istiqamətləri və 2022-2025-ci illər üçün proqram və büdcə müzakirə olunub.
2005-ci il Konvensiyasının Hökumətlərarası Komitəsinin 13-cü sessiyasında növbəti 14-cü sessiyanın vaxtı müəyyənləşdirilərək, onun 2021-ci ildə fevralın 2-dən 5-nə qədər qurumun baş qərargahında keçiriləcəyi bildirilib.
Sessiyada 2005-ci il Konvensiyasının Hökumətlərarası Komitəsinin 14-cü sessiyasının bürosunun üzvləri seçilib.
Qeyd edək ki, bu gün Azərbaycan bir il müddətinə 2005-ci il Konvensiyasının Hökumətlərarası Komitəsinin 14-cü sessiyasının bürosunun sədr müavini seçilib.
Şəhla Ağalarova
AZƏRTAC-ın xüsusi müxbiri
Paris
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir