Qırğızıstanın daha bir telekanalı “Azerspace-1” peyki vasitəsilə yayımlanır
Bakı, 14 fevral, AZƏRTAC
“Azərkosmos” ASC və Qırğızıstanın “Region TV” kanalı arasında kommersiya müqaviləsi imzalanıb.
ASC-dən AZƏRTAC-a bildirilib ki, müqaviləyə əsasən, fevralın 14-dən “Region TV” kanalı Mərkəzi Asiya ölkələrində “Azerspace-1” peyki vasitəsilə yayımlanır. Sözügedən kanalda Qırğızıstanın regionlarının gündəlik sosial, iqtisadi və mədəniyyət xəbərləri nümayiş olunur.
“Region TV” kanalının yayım tezliyi: 11015/H/13000
Qırğızıstanın ictimai kanalı olan “KTRK”, “Qırğızıstan TV”, “Asia TV”, “Next TV” kimi baxımlı kanalları ilə yanaşı, “Region TV” kanalının “Azerspace-1” peyki üzərindən yayımlanması peykin Mərkəzi Asiya ölkələrindəki nüfuzunu artırır. Qırğızıstanın digər kanalları da “Azerspace-1” peykinə maraq göstərir və bu kanallarla müqavilələrin imzalanması üçün danışıqlar aparılır.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb