Azərbaycan Dövlət
İnformasiya Agentliyi

A
A
A
Sazlamalar

İran polisi 1,7 tondan çox narkotik vasitə müsadirə edib

Tehran, 14 fevral, AZƏRTAC

İran polisinin Xorasan vilayətində həyata keçirdiyi əməliyyat nəticəsində 1 ton 755 kiloqram narkotik vasitə müsadirə olunub.
AZƏRTAC xəbər verir ki, narkotik vasitələri qaçaqmalçılar qanunsuz yollarla Əfqanıstandan İrana, buradan isə Avropa ölkələrinə daşıyırlar. Xorasan vilayətinin Əfqanıstan ilə sərhədlərinin uzunluğu 331 kilometrdir.
İranın narkotik vasitələrin qanunsuz dövriyyəsinə qarşı mübarizə idarəsindən bildiriblər ki, sintetik narkotik vasitələrə aid olan heroin Əfqanıstanda istehsal edilir. Çox təhlükəli narkotik vasitə olan heroin güclü asılılıq yaradır. Bu narkotikin istehsalı və Avropa dövlətlərinə daşınmasının arxasında bəzi dövlətlər dayanır.
Hər il İran polisi 10 tondan çox narkotik vasitə ələ keçirərək məhv edir.


Rabil Kətanov
AZƏRTAC-ın xüsusi müxbiri
Tehran

Dünya 2020-02-14 13:28:00