Bakı, 13 fevral, AZƏRTAC

Əhməd Rəcəbli və Cəfər Xəndan küçələrinin kəsişməsində yol hərəkətinin təşkilində dəyişiklik olunub. Bununla əlaqədar, kəsişmədə işıqfor işə salınıb.
Bakı Nəqliyyat Agentliyindən AZƏRTAC-a bildirilib ki, dəyişikliklər yolayrıcında pik saatlarda nəqliyyat sıxlığını aradan qaldırmaqla yanaşı, yol hərəkəti təhlükəsizliyi səviyyəsinin artmasına səbəb olacaq. Eyni zamanda, kəsişmədə piyadaların təhlükəsiz hərəkəti üçün yeni piyada keçidləri təşkil edilib.