Bakı, 28 yanvar, AZƏRTAC

İtaliyanın “Roma” futbol klubu “Atalanta”nın müdafiəçisi Rojer İbanesi icarə əsasında heyətinə cəlb edib.
AZƏRTAC xəbər verir ki, 21 yaşlı braziliyalı müdafiəçi 2021-ci ilin yayınadək Roma təmsilçinin şərəfini qoruyacaq. “Roma” klubu R.İbanesin transferi üçün 8 milyon və bonus qismində əlavə 2 milyon avro ödəyəcək.
Qeyd edək ki, paytaxt klubu İtaliya çempionatında 21 turdan sonra 39 xalla dördüncü pillədə qərarlaşıb. R.İbanes cari mövsümündə “Atalanta”nın heyətində bir oyunda iştirak edib.