İstanbul, 27 yanvar, AZƏRTAC

İstanbulda FETÖ terror təşkilatının kriptoqrafik xəbərləşmə sistemi olan “Bylock”dan istifadə etməkdə şübhəli bilinən 30 nəfərin saxlanılması istiqamətində əməliyyat keçirilib.
AZƏRTAC xəbər verir ki, İstanbul Baş Prokurorluğu tərəfindən həyata keçirilən əməliyyat nəticəsində şübhəli bilinən şəxslərdən 13-ü İstanbulda, biri isə Sakaryada ələ keçirilib.
Şübhəlilərdən dördünün Türkiyə ərazisini tərk etdiyi müəyyən olunub. Digər şəxslərin də saxlanılması istiqamətində əməliyyatlar davam etdirilir.

Günel Məlikova
AZƏRTAC-ın xüsusi müxbiri
İstanbul