Kobi Brayantın həlak olduğu helikopter qəzasının yeni detalları aşkarlanıb
Vaşinqton, 27 yanvar, AZƏRTAC
Xəbər verdiyimiz kimi, “Los-Anceles Leykers” basketbol klubunun ulduzu Kobi Brayant Kaliforniyada helikopter qəzasında həlak olub. Hakimiyyət orqanlarının məlumatına görə, basketbolçunun 13 yaşlı qızı Cianna da ölənlər arasında olub.
AZƏRTAC xəbər verir ki, Federal Aviasiya Administrasiyası nümayəndələrinin məlumatına görə, “Sikorsky S-76B” helikopteri bazar günü səhər Los-Ancelesin mərkəzindən təxminən 45 kilometr yaxınlıqda yerləşən Kalabasas şəhərində naməlum şəraitdə qəzaya uğrayıb.
Helikopter Con Ueyn adına hava limanından Sakit okean vaxtı ilə saat 09:06-da qalxıb. “Los-Anceles” qəzetinin yaydığı məlumata görə, qəza saat 10 radələrində Las-Virqenes küçəsi yaxınlığında baş verib.
Los-Anceles dairəsinin şerifi əvvəlcə göyərtədə 5 nəfərin olduğunu, onlardan heç birinin sağ qalmadığını bəyan edib. Lakin sonradan o, qəza nəticəsində 9 nəfərin həlak olduğunu bildirib.
Qəzanın başvermə səbəblərinin araşdırılması davam edir.
AZƏRTAC-ın Vaşinqton bürosu
Parisdə Olimpiya Oyunlarının açılış mərasimi ləğv edilə bilər
XİN: Macarıstan terrorizmi hər zaman qınayacaq
“Crocus City Hall”dakı terror aktında şübhəli bilinən daha bir nəfər saxlanılıb
Gürcüstanın Bakuriani bölgəsində baş verən qar uçqunu nəticəsində bir nəfər itkin düşüb
Netanyahu HƏMAS-ın “strateji aktivlərinə” həbs qoyulduğunu açıqlayıb