Bakı, 24 yanvar, AZƏRTAC

Böyük Qala küçəsində yerləşən və XVII-XVIII əsrlərə aid Bakı Xanları Evində həyata keçirilən təmir-bərpa işləri davam etdirilir və bu ilin ortalarına kimi yekunlaşması nəzərdə tutulub.
AZƏRTAC xəbər verir ki, bu sözləri “İçərişəhər” Dövlət Tarix-Memarlıq Qoruğu İdarəsinin İdarə Heyətinin sədri Əsgər Ələkbərov ötən ilin yekunlarına həsr olunmuş mətbuat konfransında deyib.
Bildirib ki, Bakı Xanları Evinin yanında parkın salınması məqsədi ilə iri ağacların əkilməsi işləri tamamlanıb və hazırda bəzək kollarının və yaşıllığının salınması istiqamətində işlər davam etdirilir.