Dövlət İmtahan Mərkəzinin Direktorlar Şurasının sədri Saatlı rayonunda vətəndaşları qəbul edəcək
Bakı, 24 yanvar, AZƏRTAC
Dövlət İmtahan Mərkəzinin (DİM) Direktorlar Şurasının sədri Məleykə Abbaszadə Saatlı rayonunda vətəndaşları qəbul edəcək.
DİM-dən AZƏRTAC-a bildirilib ki, qəbul yanvar ayının 31-də, saat 11:00-da, Saatlı şəhəri Gənclər Mərkəzində (ünvan: H.Zərdabi küçəsi, 71a) keçiriləcək.
Qəbula gəlmək istəyən vətəndaşların Dövlət İmtahan Mərkəzinin internet saytına daxil olaraq elektron müraciət formasını doldurmaqla qeydiyyatdan keçmələri (http://eservices.dim.gov.az/sedrinqebulu/) və ya DİM-in Şirvan regional bölməsinə (ünvan: Şirvan şəhəri, M.Ə.Rəsulzadə prospekti, 19 ) müraciət etmələri (əlaqə telefonu: (021)215-15-23) xahiş olunur.
Bundan əlavə, qəbula gəlmək istəyənlər yanvarın 24-30 tarixlərində saat 10:00-dan 17:00-dək Hacıqabul, Saatlı, Sabirabad və İmişli rayon Təhsil şöbələrinə müraciət etməklə də qeydiyyatdan keçə bilərlər.
Qeyd: Qəbula gələn vətəndaşlar şəxsiyyət vəsiqəsini təqdim etməlidirlər.
“Heydər Əliyev və elmi potensialın inkişaf dinamikası” - respublika elmi konfransı
BDU-da Ümummilli Lider Heydər Əliyevin anadan olmasının 101-ci ildönümünə həsr edilmiş konfrans
İlahiyyat İnstitutunun əməkdaşı Gürcüstanda beynəlxalq elmi konfransda iştirak edib