Yeniyetmələr arasında 2020-ci ilin Qış Olimpiya Oyunları bağlı elan edilib
Bakı, 23 yanvar, AZƏRTAC
Beynəlxalq Olimpiya Komitəsinin (BOK) Prezidenti Tomas Bax yeniyetmələr arasında 2020-ci ilin Qış Olimpiya Oyunlarının bağlanmasını rəsmən elan edib.
AZƏRTAC xəbər verir ki, İsveçrənin Lozanna şəhərində keçirilmiş yarışlarda Rusiya yığması rekord sayda – 29 medal, o cümlədən 10 qızıl, 11 gümüş və 8 bürünc medal qazanaraq ümumi komanda hesabında qalib gəlib. Qazanılmış medalların sayına görə əvvəlki rekordun də sahibi rusiyalılar olub: 2016-cı il Oyunlarında onlar 24 mükafat (7-8-9) medala sahib olublar. Lozannada keçirilən Oyunlarda ikinci yeri İsveçrə yığması (10-6-8), üçüncü yeri yaponlar tutub (9-7-1).
Oyunların bağlanış mərasimində Rusiya yığmasının bayraqdarı Nikolay Lısakov (körlinq) olub. O, komanda yarışlarında bürünc medal, qarışıq duetlərin yarışlarında isə gümüş medal qazanıb.
Yeniyetmələrin Oyunlarında 14-18 yaşlarında idmançılar iştirak edib. 2024-cü ildə yeniyetmələr arasında Qış Olimpiya Oyunları yanvarın 19-dan fevralın 2-dək Cənubi Koreyanın Kanvondo əyalətində keçiriləcək.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir