Bakı, 23 yanvar, AZƏRTAC 

Bakı Şəhər Baş Polis İdarəsi paytaxtda restorandan çıxan şəxsin ətrafdakı insanlara bıçaqla hücum etməsi barədə yayılan məlumatlara münasibət bildirib.
Baş İdarənin mətbuat xidmətinin rəisi, polis mayoru Elşad Hacıyev AZƏRTAC-a açıqlamasında yayılan məlumatların əsassız olduğunu vurğulayaraq deyib: “Tərəflər arasında yaranan mübahisə Əhməd Rəcəbli küçəsində avtomobil yolunda sürücülərin bir-birinə yol verməməsi üstündə baş verib. Bıçaqla hücum edilməsi faktı təsdiqini tapmayıb. Fakt üzrə Nərimanov Rayon Polis İdarəsinin təhqiqat şöbəsində araşdırma aparılır. Təhqiqatın nəticəsindən asılı olaraq məsələyə hüquqi qiymət veriləcək”.