Rostropoviçlərin ev-muzeyində növbəti tədbir 20 Yanvar faciəsinə həsr olunub
Bakı, 22 yanvar, AZƏRTAC
Abdulla Şaiqin mənzil-muzeyi və Leopold və Mstislav Rostropoviçlərin ev-muzeyinin birgə təşkilatçılığı ilə 20 Yanvar hadisələrinin 30 illiyinə həsr edilmiş “Qan yaddaşı” adlı tədbir keçirilib.
AZƏRTAC xəbər verir ki, Leopold və Mstislav Rostropoviçlərin ev-muzeyində reallaşan tədbirdə dövlət himni səsləndirilib, şəhidlərimizin ruhu bir dəqiqəlik sükutla yad edilib.
Tədbirdə Rostropoviçlərin ev-muzeyinin direktoru Şeyla Heydərova, Abdulla Şaiqin mənzil-muzeyinin direktoru Ülkər Talıbzadə, jurnalist-yazıçı Zərəngiz Qafarlı və başqaları 20 Yanvar hadisələri haqqında danışıblar. Qeyd edilib ki, 1990-cı ilin yanvarın 19-dan 20-nə keçən gecə milli azadlıq və ərazi bütövlüyü uğrunda mübarizəyə qalxmış dinc əhaliyə qarşı silahlı təcavüz nəticəsində 130-dan çox günahsız insan qətlə yetirildi. Ölkəmizin müstəqilliyi, suverenliyi uğrunda canlarını qurban verən şəhidlərimizin adı əbədi olaraq Azərbaycan tarixinə və xalqımızın yaddaşına həkk olunub.
Tədbirin bədii hissəsində Xətai rayonu 58 nömrəli tam orta məktəbin şagirdlərinin ifasında şeirlər söylənilib, faciə ilə bağlı səhnəcik göstərilib. Bülbül adına orta ixtisas musiqi məktəbinin şagirdləri vətənpərvərlik mövzusunda əsərlər səsləndiriblər.
Latviyada Xocalı qurbanlarının xatirəsinə həsr edilmiş anım konserti keçirilib
Parisdə 20 Yanvar faciəsi qurbanlarının xatirəsi anılıb VİDEO
Səudiyyə Ərəbistanın nüfuzlu qəzeti 20 Yanvar faciəsindən yazıb
“Azərbaycan xalqının hüzn və şərəf günü – 20 Yanvar” xarici mediada
20 Yanvar faciəsi Özbəkistan mətbuatında geniş şəkildə işıqlandırılıb