Özbəkistanın energetika sahəsinə 1,6 milyard dollar xarici sərmayə qoyulacaq
Daşkənd, 19 yanvar, AZƏRTAC
Birləşmiş Ərəb Əmirliklərinin “Masdar” və “Mubadala” şirkətləri Özbəkistanın Nəvai vilayətində 400 МВт gücündə külək elektrik stansiyasının tikintisinə 600 milyon dollar sərmayə qoyacaq.
AZƏRTAC xəbər verir ki, bununla bağlı Özbəkistanın Xarici Ticarət və İnvestisiyalar Nazirliyi ilə “Masdar” və “Mubadala” şirkətləri arasında saziş imzalanıb. Sazişə əsasən, bu şirkətlər külək elektrik stansiyasının layihəsini, maliyyələşməsini, tikintisini və işə salınmasını öz üzərinə götürüb. Bildirilib ki, işlər bu ilin üçüncü rübündə başlayacaq və 2022-ci ildə başa çatacaq.
“Mubadala” şirkəti ayrılıqda Talimarcan İstilik Elektrik Stansiyasının bazasında yeni enerji bloklarının özəlləşdirilməsinə və yenilərinin tikilməsinə 1 milyard dollar sərmayə qoyacaq.
Qulu Kəngərli
AZƏRTAC-ın xüsusi müxbiri
Daşkənd
ABŞ dövlət istiqrazlarının gəlirliliyi geosiyasi risklərə görə azalır
Ekvadorda enerji böhranı ilə əlaqədar iki ay müddətinə fövqəladə vəziyyət rejimi tətbiq edilib
OLED-displeyləri ilə təchiz edilmiş ilk bank kartı təqdim olunub
Koronavirus infeksiyasının müalicəsi üçün yeni molekul yaradılıb
Bərənin Neapol limanının körpüsünə çırpılması nəticəsində 30-a yaxın insan yaralanıb