Nazir İnam Kərimov Kənd Təsərrüfatı Nazirlərinin 12-ci Berlin Konfransında iştirak edir
Berlin, 18 yanvar, AZƏRTAC
Kənd Təsərrüfatı Nazirlərinin 12-ci Berlin Konfransı öz işinə başlayıb. Sayca 12-ci olan bu mötəbər tədbir Ərzaq və Kənd Təsərrüfatı üzrə Qlobal Forumun mühüm tərkib hissələrindən biridir. Kənd Təsərrüfatı nazirlərinin görüş platforması sayılan konfrans mühüm beynəlxalq tədbirlərdən sayılır.
AZƏRTAC xəbər verir ki, Kənd Təsərrüfatı Nazirlərinin Berlin Konfransına bu il 72 ölkədən nümayəndə qatılır. Azərbaycanı beynəlxalq tədbirdə Kənd Təsərrüfatı naziri İnam Kərimov təmsil edir. Konfrans Ərzaq və Kənd Təsərrüfatı üzrə Qlobal Forumunun “Hamı üçün ərzaq: Təhlükəsiz, müxtəlif çeşidli, dayanıqlı ərzaq üçün ticarət et” şüarı altında keçirilir.
Konfransın yekun bəyannaməsində ticarətlə bağlı 4 mühüm qlobal problemin kollektiv şəkildə həllinə kömək göstərmək barədə çağırışlar öz əksini tapacaq. Bu çağırışlar qlobal ərzaq təhlükəsizliyi üçün ticarət aparmaq, ticarəti kənd təsərrüfatının inkişafına yönəltmək, əhatəli, davamlı, təhlükəsiz dəyər zəncirləri yaratmaq, kənd təsərrüfatı məhsullarının ticarətində ədalətli qaydaları təmin etməkdən ibarətdir.
Yekun bəyannamədə əks olunmuş Kənd Təsərrüfatı nazirlərinin ortaq mövqeyi aqrar siyasətə dair beynəlxalq diskussiyalar nəticəsində formalaşıb.
Vüqar Seyidov
AZƏRTAC-ın xüsusi müxbiri
Berlin
Qlobal Metan Azaldılması təşəbbüsü çərçivəsində SOCAR və BP şirkətlərinə səfərlər təşkil edilib
Dünya Bankının nümayəndəsi: Azərbaycanın COP29-a ev sahibliyi edəcəyindən məmnunuq VİDEO
Barbadosun Baş naziri: COP prezidentləri üçlüyünün yaradılmasını yüksək qiymətləndiririk VİDEO
Azərbaycan BMT ilə əlaqələri və COP29 çərçivəsində əməkdaşlığı müzakirə edib