Bakı, 18 yanvar, AZƏRTAC

Şirvanşahlar Sarayı Kompleksində tanınmış şair, publisist Nigar Həsənzadənin “Nigar” adlı poeziya gecəsi keçirilib.
AZƏRTAC xəbər verir ki, gecədə şairin “Üfüq üzərindəki qanadlar”, “Gümüş”, “Başqalarının buludları altında”, “Biləklər” adlı müəllifi olduğu kitablarından, eləcə də nəşr olunmamış əsərlərindən müəllifin öz ifasında şeirləri söylənilib.
Poeziya axşamında, həmçinin Əməkdar artistlər Hüsniyyə Mürvətova, Münəvvər Əliyeva, Gülzar Qurbanova çıxış edərək şairin yaradıcılığından söhbət açıblar, eləcə də şeirlərindən nümunələr səsləndiriblər.
Qeyd edək ki, Nigar Həsənzadə Mədəniyyət Nazirliyinin “Ədəbiyyat” layihəsinin yaradıcısı və direktoru, Azərbaycan Yazıçılar Birliyinin üzvüdür.