Bakı, 18 yanvar, AZƏRTAC 

Qəbələ rayonunda güclü yanğın baş verib.
Fövqəladə Hallar Nazirliyindən AZƏRTAC-a bildiriblər ki, hadisə rayonun Seyidqışlaq kəndində ümumi sahəsi 108 kvadratmetr olan birmərtəbəli üçotaqlı evdə qeydə alınıb. Nəticədə evin dam örtüyü 55 kvadratmetr sahədə və iki otağı yanıb. Evin qalan hissəsi yanğından mühafizə olunub. Alov yanğından mühafizə bölmələri tərəfindən söndürülüb.
Hadisə ilə bağlı müvafiq qurumlar tərəfindən araşdırma aparılır.