Bu gündən deputatlığa namizədlərin seçkiqabağı təşviqat kampaniyasına start verilir
Bakı, 17 yanvar, AZƏRTAC
Bu gündən etibarən deputatlığa namizədlərin seçkiqabağı təşviqat kampaniyasına start verilir.
AZƏRTAC secki-2020.az saytına istinadla xəbər verir ki, bu barədə “Azərbaycan Respublikasının Milli Məclisinə növbədənkənar seçkilərin hazırlanıb keçirilməsi üzrə əsas hərəkət və tədbirlərin Təqvim Planı”nda qeyd edilib. Belə ki, yanvarın 17-dən qeydə alınmış namizədlər, namizədi qeydə alınmış siyasi partiyalar, siyasi partiyaların blokları, səlahiyyətli nümayəndələr, vəkil edilmiş şəxslər tərəfindən seçkiqabağı təşviqatın aparılmasına başlanılacaq. Seçkiqabağı təşviqatın aparılması fevralın 8-də saat 08:00-dək davam edəcək.
Xatırladaq ki, Azərbaycanda Milli Məclisə seçkilər fevralın 9-da keçiriləcək.
Siyasi partiyalar tərəfindən qəbul edilən qanunsuz ianələrə görə cərimələr müəyyənləşir
Ermənistan Azərbaycanın ərazi bütövlüyünü təsdiqləməsə, nəticə erməni cəmiyyəti üçün ağır olacaq
Azərbaycan parlamenti növbədənkənar sessiyasında 41 məsələni müzakirə edir
İqtisadi Şuranın növbəti iclası olub
Deputatlar Türkiyədə seçkilərə hazırlığın gedişi ilə tanış olacaqlar