×
A
A
A
Sazlamalar

Marionet Teatrı tamaşaçılarını dəvət edir

Bakı, 15 yanvar, AZƏRTAC

Bakı Marionet Teatrı yanvarın 18-dən 25-dək Ü. Hacıbəylinin “Arşın mal alan” operettasını tamaşaçıların ixtiyarına verəcək.
AZƏRTAC xəbər verir ki, tamaşa sənət ocağında ilk dəfə 30 il bundan öncə səhnələşdirilib.
12 pərdəlik səhnə əsərinin quruluşçu rejissoru Tərlan Qorçu, quruluşçu rəssamları Elçin Məmmədov, Tərlan Qorçu, musiqi aranjimançısı Cavanşir Quliyev, kukla rəssamları Elman Mirzəyev, Şamil Buksayev, İrma Kaadze, Elmira Abbaslı, dekorasiya rəssamları Abbasəli Mustafayev, Elman Mirzəyev, Tarlan Qorçu, Zeynəb Kaadzedir.
Qeyd edək ki, dahi bəstəkar Üzeyir Hacıbəylinin üçüncü va sonuncu musiqili komediyası yazıldığı dövrdən (1913) Azərbaycan səhnəsinin bəzəyi olub, həmçinin müxtəlif xarici ölkələrdə va dillərdə tamaşaya qoyularaq daima izləyicilər tərəfindən rəğbətlə qarşılanıb.

 

Teatr və kino 2020-01-15 16:05:00