Bakı, 8 yanvar, AZƏRTAC

Azərbaycan Respublikasının Baş Naziri Əli Əsədov İran İslam Respublikasının Birinci vitse-prezidenti İshaq Cahangiriyə və Ukraynanın Baş Naziri Aleksey Qonçaruka başsağlığı məktubu göndərib.
Nazirlər Kabinetinin mətbuat xidmətindən AZƏRTAC-a verilən məlumata görə, Baş Nazir Əli Əsədov Ukrayna Beynəlxalq Hava Yollarına məxsus sərnişin təyyarəsinin Tehran yaxınlığında qəzaya uğraması nəticəsində çoxsaylı insan tələfatı xəbərinin onu olduqca kədərləndirdiyini bildirib.
Azərbaycanın Baş Naziri bu faciə ilə əlaqədar İranın Birinci vitse-prezidentinə və Ukraynanın Baş Nazirinə, həlak olanların ailələrinə və yaxınlarına dərin hüznlə başsağlığı verib.