Mənəvi Dəyərlərin Təbliği Fondunun Himayəçilər Şurasının iclası keçirilib
Bakı, 26 dekabr, AZƏRTAC
Dekabrın 25-də Mənəvi Dəyərlərin Təbliği Fondunun Himayəçilər Şurasının 2019-cu ilin yekunlarına həsr edilmiş iclası keçirilib.
Fonddan AZƏRTAC-a bildiriblər ki, iclasda Fondun Himayəçilər Şurasının üzvləri - Azərbaycan Respublikası Milli Məclisinin deputatı, professor Sahibə Qafarova, AMEA-nın Məhəmməd Füzuli adına Əlyazmalar İnstitutunun direktoru, akademik Teymur Kərimli, Ailə, Qadın və Uşaq Problemləri üzrə Dövlət Komitəsi sədrinin müavini Aynur Sofiyeva, “SƏS” Media Qrupunun rəhbəri Bəhruz Quliyev, Mənəvi Dəyərlərin Təbliği Fondunun icraçı direktoru Mehman İsmayılov, icraçı direktorun müavini Ceyhun Əliyev və Fondun əməkdaşları iştirak ediblər.
İclasda Fondun 2019-cu ildəki fəaliyyəti ilə bağlı icraçı direktor Mehman İsmayılovun hesabatı dinlənilib.
Daha sonra Himayəçilər Şurasının üzvləri cari ildə görülmüş işlərlə əlaqədar geniş müzakirə apararaq Fondun rəhbərliyinə müvafiq təklif və tövsiyələrini çatdırıblar.
Yekunda Mənəvi Dəyərlərin Təbliği Fondunun 2019-cu ildəki fəaliyyəti müsbət qiymətləndirilib və qənaətbəxş hesab edilib.
ICESCO azadlıqlar və islami dəyərlər mövzusunda konfransa ev sahibliyi edib
Dövlət Komitəsi nəzir qutuları və ianələrlə bağlı əsassız ittihamlar səsləndirənlərə cavab verib
Azərbaycandakı dini konfessiya rəhbərləri Laçın yolundakı vəziyyətlə bağlı birgə bəyanat yayıblar