Tbilisidə Azərbaycan dilinə həsr edilmiş “Ana dilim” adlı videoçarxın təqdimatı olub
Tbilisi, 21 dekabr, AZƏRTAC
Gürcüstanın paytaxtı Tbilisidə Azərbaycan dilinə həsr edilmiş “Ana dilim” adlı videoçarxın təqdimatı olub.
AZƏRTAC xəbər verir ki, Azərbaycan şairi Bəxtiyar Vahabzadənin eyniadlı şeiri əsasında hazırlanmış videoçarxın əsas məqsədi Azərbaycan dilinin Gürcüstanda yaşayan azərbaycanlılar arasında yaşadılması, təbliği və gələcək nəsillərə çatdırılmasıdır. Səkkiz dəqiqəlik çarxda müxtəlif yaş qrupları və sosial təbəqələrdən olan 31 azərbaycanlı B.Vahabzadənin “Ana dilim” şeirini səsləndirib. Videoçarxın səhnələrinin çəkildiyi ərazilər də xüsusi həssaslıqla seçilib. Bu ərazilər Gürcüstanda azərbaycanlıların tarixən yaşadıqları, dərin, tarixdən silinməyəcək iz qoyduqları məkanlardır.
Videoçarxda, eyni zamanda, tarixi keçmişimiz, milli kimliyimiz tərənnüm edilib.
Şeirlərin səsləndirildiyi səhnələr də xüsusi həssaslıqla seçilib və bu yerlər azərbaycanlıların tarixi ilə sıx bağlıdır.
Təqdimat mərasimində Tbilisidə oxuyan azərbaycanlı tələbələr, gənclər, icma nümayəndələri və ziyalılar iştirak ediblər.
Xətayi Əzizov
AZƏRTAC-ın xüsusi müxbiri
Tbilisi
ABŞ-da Azərbaycan Ticarət və Sənaye Palatasında “Açıq qapı” günü təşkil olunub VİDEO
Heydər Əliyev Fondunun 20 illiyinə həsr olunmuş konsert proqramı təqdim edilib
Azərbaycanda 5 May - “Xalçaçı Günü”dür
Bakı Kirxasında Uitni Hyustonun məşhur sevgi etirafı səsləndirilib
“Viva-Opera!” Bakıda I Beynəlxalq Opera Festivalı möhtəşəm konsert proqramı ilə başa çatıb