Tunisdə İslam ölkələri mədəniyyət nazirlərinin XI konfransı keçiriləcək
Tunis, 16 dekabr, AZƏRTAC
Bu il dekabrın 17-18-də Tunisdə ölkə Prezidenti Qeys Səidin himayəsi ilə İSESKO-ya üzv ölkələrin mədəniyyət nazirlərinin XI konfransı keçiriləcək.
AZƏRTAC xəbər verir ki, “İslam dünyasında mövcud mədəniyyət siyasətlərinin inkişafı uğrunda” devizi altında baş tutacaq tədbirdə əvvəlki konfranslarda qəbul edilmiş qərarların icra vəziyyətinin müzakirəsi, İslam Dünyasının İrs Komitəsinin hesabatının təqdimatı, rəqəmsal mədəniyyət haqqında sənəd layihəsinə, mədəniyyət layihələrinin maliyyələşdirilməsi mənbələri haqqında təkliflərə baxılması nəzərdə tutulur. Eləcə də İslam dünyasında mədəniyyətin inkişafı ilə bağlı Məşvərətçi Şuranın üzvlərinin seçilməsi, növbəti konfransın yeri barədə müzakirələrin aparılması planlaşdırılır. Konfransın sonunda Tunis Bəyannaməsinin qəbul edilməsi gözlənilir.
Konfrans çərçivəsində “Tunis – İslam dünyasının mədəniyyət paytaxtı–2019” ilinin təntənəli bağlanış tədbiri keçiriləcək.
Şıxəli Əliyev
AZƏRTAC-ın müxbiri
Tunis
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir