Ömər Pamuk: “Nəsimi” baletinin Samsunda rəğbətlə qarşılanması Azərbaycan və Türkiyənin birgə uğurudur
Samsun, 15 dekabr, AZƏRTAC
Böyük bəstəkarımız Fikrət Əmirovun “Nəsimi” baletinin Samsunda keçirilən premyerasının tamaşaçılar tərəfindən rəğbətlə qarşılanması Azərbaycan və Türkiyənin birgə uğurudur.
Bu fikri AZƏRTAC-a açıqlamasında Samsun Mədəniyyət və Turizm İdarəsinin müdir müavini Ömər Pamuk deyib. “Nəsimi təkcə Azərbaycanın yox, bütün türk dünyasının ortaq sərvətidir. Türkiyədə poeziyasevərlər böyük şairi tanıyır və şerlərini sevə-sevə oxuyurlar. “Nəsimi” baletinin Samsunda səhnəyə qoyulması ortaq mədəniyyət tariximizdə mühüm hadisədir. Əlamətdar haldır ki, əsərin Türkiyə premyerasının hazırlanmasında Azərbaycanın görkəmli sənətkarları iştirak ediblər. Nəsimi yaradıcılığına xoş münasibət dünya poeziyasını sevmək deməkdir. Samsundakı bu mühüm hadisə münasibəti ilə bütün nəsimisevərləri səmimiyyətlə təbrik edirəm”.
Səhnə yaradıcılığının bütün sahələrinin Azərbaycanda böyük inkişaf yolu keçdiyini vurğulayan Ö.Pamuk bildirib ki, Nəsimi şəxsiyyətinin ucalığını bütün janrlar üzrə sənət əsərləri əsasında təbliğ etmək tarixi şəxsiyyətlərə sahib olmaq ənənəsidir.
Sabir Şahtaxtı
AZƏRTAC-ın xüsusi müxbiri
Samsun
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir