İngiltərə Premyer Liqası: “Liverpul” ən yaxın təqibçisi ilə xal fərqini artırıb
Bakı, 14 dekabr, Nicat Məmmədov, AZƏRTAC
Bu gün İngiltərə Premyer Liqasının 17-ci turuna start verilib.
AZƏRTAC xəbər verir ki, turun açılış görüşündə lider “Liverpul” doğma meydanında “Uotford” komandasını qəbul edib. Hər iki hissədə bir qol vuran “Liverpul” çempionluq yolunda vacib üç xal qazanıb. Bu qələbədən sonra “Liverpul” üçüncü pillədə qərarlaşan əzəli rəqibi “Mançester Siti”ni 17 xal qabaqlayır.
Turnir cədvəlində ikinci pillədə qərarlaşan “Lester Siti” autsayder “Norviç Siti”ni qonaq edib. Gərgin hücumlarla yadda qalan qarşılaşmada qalib müəyyənləşməyib - 1:1.
Çempionluğa iddialı “Çelsi” klubu da öz meydanında xal itkisi ilə üzləşib. London təmsilçisi doğma meydanda “Bortsmunt” komandasına minimal hesabla məğlub olub.
Günün digər oyunlarında “Şeffild Yunayted” doğma azarkeşlər önündə “Aston Villa”nı 2:0, “Börnli” isə “Nyukasl Yunayted” klubunu 1:0 hesabı ilə məğlub edib.
Turun digər oyunları dekabrın 15-16-da keçiriləcək.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir