Ulu öndər Heydər Əliyevin xatirəsinə həsr edilən stolüstü tennis turniri keçirilib
Bakı, 14 dekabr, AZƏRTAC
Dekabrın 14-də “Şüa” idman-sağlamlıq kompleksində stolüstü tennis turniri keçirilib.
AZƏRTAC xəbər verir ki, Azərbaycan Stolüstü Tennis Federasiyasının dəstəyi, “Brend.sport.az saytının təşkilatçılığı ilə baş tutan turnir ümummilli lider Heydər Əliyevin Azərbaycanda siyasi hakimiyyətə gəlişinin 50 illik yubileyinə həsr olunub. “İlhamlı qələbələr” adlı turnirdə jurnalistlər, incəsənət nümayəndələri və tanınmış şəxslər iştirak ediblər.
Turnirdə kişilərin yarışında birinci yeri Rəşad Cavadov (“Sportsman” jurnalı), ikinci yeri Fərəməz Bağırov (AZƏRTAC), üçüncü yeri Əməkdar artist Səlim Abbasov tutublar. Qadınların mübarizəsində isə Məhluqə Nəsirova (Brendsport.az), Gülzar İbrahimova (“Sehirli dünya” uşaq jurnalı) və Jalə Paşayeva (Brendsport.az) fərqləniblər.
Qalib və mükafatçılara diplom və qiymətli hədiyyələr təqdim olunub.
“Murov Az Terminal”ın kapitanı: “Neftçi”ni məğlub edərək finala çıxmaq sürpriz deyildi
Azərbaycan Liqası: Çempionluğa iddialı komandalar Mingəçevirdə üz-üzə gələcək
Kişi şahmatçıların Azərbaycan çempionatında yarımfinalçıları bəlli olub
Bakıda bədii gimnastika üzrə Dünya Kubokunun ikinci gününə start verilib
“Rik və Morti” animasiya serialının rəssamı “GameSummit 2024” üçün Bakıya gəlir