Bakı, 14 dekabr, AZƏRTAC

Yaxın zamanlarda "Şahdağ" Turizm Mərkəzinin ərazisində SOCAR-ın yanacaqdoldurma məntəqəsi açılacaq.
AZƏRTAC xəbər verir ki, bu sözləri mərkəzin rəhbəri Rodderich Leffler jurnalistlərə açıqlamasında deyib.
R.Leffler bildirib ki, yanacaqdoldurma məntəqəsinin tikintisi ilə bağlı son tamamlanma işləri gedir: “Bu isə mərkəzə gələn turistlərin daha rahat istirahət etməsinə imkan yaradacaq”.